نصائح هامة فى كيفية التعامل مع مكاتب السفريات- السعودية

شاركنا

القائمة البريدية

Ads by Google

تابعنا على الفيس

اختر القسم

اختر الدولة

تفاصيل الوظيفة

03Dec

نصائح هامة فى كيفية التعامل مع مكاتب السفريات

- نصائح هندسية, السعودية

نصائح هامة فى كيفية التعامل مع مكاتب السفريات لراغبى السفر للخارج

نظراً لإنتشار عمليات النصب بإسم الوظائف والتوظيف ، ننشر لكم مجموعة من النصائح المهمة لراغبى السفر للخارج .

* تم تجميع هذه النصائح بناءاً على خبرات بعض المصريين فى الخارج

1- دفع مبالغ مالية قبل التأشيرة أم بعدها ؟

متدفعش أى مبالغ مالية قبل التأشيرة ولكن فى بعض المكاتب بتطلع عربون ودا بيرجعلك انت ،بس قبل ما تدفع العربون لازم تسأل عن المكتب وتعرف سمعته .
ومتدفعش عربون كبير ، وعلى قد ما تقدر متدفعش اى فلوس قبل ما تاخد التأشيرة .

2- أدفع قد ايه للمكتب ؟

المبالغ المدفوعة للمكتب بتكون على حسب قيمة العقد يعنى اكيد اللى مسافر على عقد بـ10 غير اللى مسافر على عقد بـ 5 وممكن كمان تفاصل معاه فى المبلغ اللى طالبه منك ، ومن الاخر حاول بقدر الامكان متعديش خمس ست الاف جنيه .

3- تذكرة الطيران بتكون عليك ولا على الشركة ؟

المفروض في الاول تذكره الطيران علي الشركة اللي متعاقده معاك ده لو شركة محترمة وفي ناس بتقولك ان التذكرة بتدفعها انت وبعدين تديك الفلوس لما تيجي وناس تانية بتقولك التذكرة اللي في الاول ده عليك ، لكن فى النهاية التذكرة بتكون على الشركة سواء بتحجزلك او بتديك بدل .

4- اعمل ايه لما اجى امضى العقد ؟

أول حاجة أوعى تستعجل فى الامضاء وأقرأ العقد كويس جدا جدا عشان ممكن يكون البنود فيها اى حاجة مش فى مصلحتك وانت مش واخد بالك .
ثانى شئ ودة بالنسبة للسعودية لازم العقد يكون موثق من الغرفة التجارية السعودية ( بالنسبة ليا انا موقعتش عقد في مصر ولما سافرت وقعت بس انا عشان كنت رايح وكان ليا زمايلى فى الشركة فمفرقتش اوي ) .
وكل اللى تتفق عليه لازم يكون مكتوب فى العقد زى تذاكر الطيران ،الاجازة بتكون كام يوم ، تاريخ بداية ونهاية العقد ، البدلات ، الأقامة سواء كانت سكن أعزب أو عائلى ، وطبعا التأمين الصحى ده شئ اساسى ولو مفيش تأمين صحى متطلعش احسن .
وطبعا بيبقي ليك مكافاة في نهاية الخدمة مش نهاية العقد وبيبقي منصوص عليها طبعا في العقد .
ليك بدل مواصلات لو مش هيدوك سيارة
لو هيسكنك يبقى مفيش بدل سكن انما لومش هيسكنك بيبقي ليك بدل سكن تلات شهور من الراتب الاساسي .
وعلى فكره هما مجبرين يعملو ليك تامين صحي والدول فارضه علي الشركات السعودية كده عشان محدش يضحك عليك ويقولك التامين عليك .

5- ازاى اتفادى اى مشاكل او اخطاء موجودة فى العقد ؟

حاول تسأل اى حد سافر قبل كدة وتوريله العقد أو ممكن تسأل محامى يكون عنده خبرة فى الموضوع دة .

6- المسمى الوظيفى وفيزا العامل ؟

اهم شئ لازم تعرفة المسمى الوظيفى بتاعك اللى انت طالع عليه ،بمعنى انت رايح تشتغل ايه ، وفيزا العامل مبيكونش ليها استقدام يعنى مينفعش تبعت لأى حد من اسرتك ،والتغيير بعد كدة ممكن يسبب مشاكل ،فحاول بقدر الامكان تطلع على المسمى الوظيفى الحقيقى اللى رايح تشتغله .

7- المرتب وأقل مبلغ ممكن أعيش بيه ؟

طبعاً المرتب بيختلف على حسب الوظيفة وعلى حسب سنة التخرج وحسب الشركة اللى هتشتغل فيه سواء كانت شركة كبيرة او صغيرة .
أما بالنسبة للمبلغ اللى ممكن تعيش بيه ، فبيكون على حسب البلد اللى انت رايحه ودة لازم تسأل عليه ناس من المقيمن فى البلد دى ولو ملكش حد فى البلد اللى انت رايحها ممكن تسأل فى أى جروب على النت اكيد هتلاقى ناس تفيدك .

طريقة التقديم:


الموقع غير مسؤول عن اى بيانات تواصل يرجى توخى الحذر فى التعامل مع هذه البيانات حتى لا تقع ضحية للاسبام او غيره
  • Department:
  • Company:
  • Country: السعودية

مجالات الوظائف: السعودية and مصر. أنواع الوظائف: نصائح هندسية. الوظائف المتعلقة بـ: نصائح هامة فى كيفية التعامل مع مكاتب السفريات.

التقديم على هذه الوظيفة