نصائح كتابة السيرة الذاتية

زاى تبعت ال C.V بتاعك فى E-Mail لل HR وتخليه يشد الانتباه ؟
من اكتر الحاجات اللى بنقع فيها ومبتخليش ال HR يفتح الميل اللى بنقدم بيه على وظيفة ان الميل نفسه ميشدش الانتباه!!!
الخطوات دى هتخلى ال HR يفتح الميل بتاعك ويشد انتباهه كمان لل C.V بتاعك عشان يقراه :
1- عنوان الميل " Email Subject " :
وده لازم يحتوى على اسم المنصب اللى انت مقدم عليه وكمان اسمك لان ال HR بيجيله ايميلات كتير وعلى مناصب مختلفة فالازم تحدد انت بتقدم على ايه وتكتب اسمك عشان لو افتكرك يقدر يرجعلك فى اى لحظة لما يدور على الميل بتاعه اللى فيه الافات السفيهات.
2- Email : To :
لازم تكتب ميل الشركة اللى انت بتقدم عليها فى خانة To فى الميل من غير ما تحط معاه 100 ميل تانى بتوع HR لانه بكده هيعرف انك بتدور على اى شغل فى اى حتة وخلاص ومش محددهم هم بالتحديد فا دى حاجة مش هتخليه يهتم بيك.
3- Email : Body : محتوى الميل :
معظم الناس بتكتب هنا رغى وموضوع تعبير وال HR معندوش وقت يقرا كل الكلام ده الا لو انت شديت انتباهه فا فاضل حاجة انك تكتب ميزتك التنافسية بأختصار او تبيع نفسك فى سطر واحد تقول فيه انت ليه مميز عن اى حد وده كافى جدا انك تشد انتباهه وتخليه يهتم يقرا ال C.V بتاعك.
4- Email - Signature :
وهنا الناس بتكتفى بكتابة اسمها وتحية طيبة والشغل ده , انت ممكن كمان تتضيف لينكات الحسابات بتاعتك اونلاين زى LinkedIn مثلا عشان لو حابب يعرف عنك اكتر وده طبعا لو انت مكمل البروفايل بتاعك كويس وبتعرض فيه نفسك وده يسرى على بقية الحسابات الاخرى.
5- Attached Resume :
وانت بترفع ال C.V بتاعك عشان تبعته على الميل اتأكد انك عملتله Rename وكتبت فيه اسم المنصب اللى انت مقدم عليه واسمك عشان لو ال HR حب يعمله Save عنده يقدر يلاقيه فى اى وقت وميتهش فى وسط الاف ال سيفيهات.
ده خطوات بسيطة لو معملنهاش ممكن تفقدنا فرصة ان ال C.V بتاعنا حد يقراه اصلا
 

 
Top